حسافة ياوطن قصيدتي ومشاركتي الاولى في المنتدى وان شاء الله لن تكون الاخيرة

((حسافه ياوطن ))

بسنين الگحط چنت انت مزنة خير

والكل تنطرك والكل يريدونك

تتنومس عمامك بيك يعراق

والك مية لقب چانو يسمونك

بوابة الشرق وناصر المظلوم

أحتارو بيك يبلادي شيسمونك

ومن راح الگحط يبلادي ماذكروك

وعليك تآمرو ماچن يعرفونك

ولاچنهم الك يبلادي خوان

غارو منك وگامو يحسدونك

مثل يوسف نبينا وحضرولك بير

رادولك الظلمة وبيه يذبونك

وأجو بعيونهم دمع التماسيح

تتأسف عليك ودغش يبچونك

وتحت جدمك حبيبي وجو النيران

وحطولك حطب رادو يحرگونك

بس برد وسلم ربك جعلهه النار

وسوه النار مثل الماي لعيونك

ويابير اليظمك وأنت فوگ الغيم

جبل شامخ ولاگدرو يهزونك

صبرا ياوطن حملك ابد ميميل

وأذا مال الحمل اهلك يشيلونك

ولدك ياوطن بالذله مايرضون

تبيع ارواحهه بس مايبيعونك

كرد وعرب ولدك والتركمان

تموت لخاطرك والكل يحبونك

وتتعافى الجروح وتنسي الالام

وباچر للمجد ربعك يزفونك

وترجع ياوطن دوم انت رفعة راس

يعگال الشرف اهلك يلبسونك

وتظل انت حبيبي دوم نبراس

وتخيب ظنونهه ألرادو يطفونك

الشاعر حاتم الهاشمي

عــــــــــــــــا شــــــــــ أيــدك ـت حبي حـاتم الـــهــاشمي

ت

سلم يا شاعر الله يوفقك وتصير اكثر مشاركة تسلم